江海迦重申與「的士邦」只訂婚　AGA不介意未婚夫曾與多位女藝人傳緋聞

經歷疫情一波三折取消演出，去年終一圓紅館夢，今年初推出入行十周年專輯《Agatha》的「樂壇唱作才女」AGA江海迦，為最新派台歌《Why you》接受雷霆881商業一台《星光背後》主持人梁泰來專訪，首度大方公開與未婚夫鄭子邦感情事、以及分享自己對婚後工作的想法。

AGA上年一圓紅館夢，兩場演出均獲富貴未婚夫鄭子邦現身捧場，她表示很感恩對方的存在：「我同佢性格好唔同，我好需要一個可以喺身邊扶持住自己嘅人，佢會支持我做自己相信嘅事！經歷過咁多高高低低，我好開心佢可以睇到兩場紅館騷！」

【AGA訂婚】AGA認與姚子羚舊愛「的士邦」訂婚　江海迦報喜：我們訂婚了

▲ AGA江海迦

不介意未婚夫過去

節目上，AGA坦然要不是去年開騷前被傳媒爆料指，她與「的士邦」鄭子邦已於紐西蘭註冊結婚，自己決不會公開與未婚夫感情，不過澄清二人僅是訂婚，而她只會待婚後才公布消息：「其實出道以來，我都好少講自己感情事，唔係想專登收埋，反而係想觀眾focus我嘅作品，我唔想lost focus，同埋始終另一半唔係公眾人物，點都會影響到佢生活。」

鄭子邦曾與姚子羚拍拖3年，此外曾與文詠珊、湯洛雯和蔡卓妍等人傳過緋聞，不過AGA坦言不介意對方過去：「其實好感恩我哋之間嘅過去，先成就到一個適當嘅timing去一齊，兩個人能夠走埋一齊，係因為大家價值觀好相近，而呢啲價值觀冇過去就唔會有，所以我好感恩佢嘅所有過去。」

▲ AGA江海迦

暫未計劃生B

問AGA訂婚後計劃何時正式註冊，她指很有可能會突然發生，說：「因為我今年嘅工作安排已經full咗，喺訂婚嗰陣，佢都知我有好多嘢想做，佢叫我喺一個right timing先同佢講。我哋大家都好直接，所以我覺得係時候就會做，就會同大家講。」AGA坦言另一半絕不會禁止她結婚後繼續音樂工作，「如果他會禁止，就不會是我的另一半！」

同時，她亦表明自己雖然也很喜歡小朋友，但未有計劃生育下一代。

最新影片推介：

生命不可與音樂分割

問及結婚後會否繼續歌唱事業，表示：「其實音樂係我嘅profession，我亦都好喜愛音樂，只要大家仲聽緊我唱歌嘅話，我都會繼續！就算我有一日唱唔到，我都會做幕後嘅工作，幻想唔到我嘅生命會同音樂分割開！反而我即將步入人生下一個階段，可能寫嘅歌會唔同！」

節目尾聲，AGA透露現正籌備下一張專輯，預告今年會陸續推出不少新作。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5